~ Йолдызлар ~

 

 

Гөлнара Исмаева

 

 

(<<<башы, дәвамы)

 

 -Чит ил сүзен еш искә аласың...

 -Сәяхәт кыларга үлеп чратам. Финляндия, Лапландиядә булганым бар. Кипр, Төркия, Греция, Мисыр, Гарәп Әмирлеге... Җиттеме? Хыялым - Европа. Англияне күрәсем килә.

 -Тормышта иң бәхетле мизгелләрең белән уртаклаш әле.

 -Улым туып, ирем: "Малай өчен рәхмәт", - дигәч, сөенеп туя алмадым... Диплом алгач...

 -Җырчы Гөлнараны күреп беләбез, ә укытучы Гөлнара нинди?

 -Нинди дип... ике генә ел укытам әле. Студентлар алар самими, алар белән ял итәм мин. Информатика һәм психология дәресләре алып барам. Начар билге куйганым юк. Дәресләремә җаваплы карыйлар чөнки.

 -Чит-ят күз белән үзеңә тасвирлый аласыңмы?

 -Тәкәббер, яшертен. Укып бетереп, ничә ел узгачтыр, бер группадашым: "Гөлнара, синең яныңа барырга куркыныч, һавалы идең, ә син бик гади кеше икәнсең", - диде. Дусларым күп булмасада, мин яхшы, ышанычлы дус, кайгы хәсрәтне дә, бәхет шатлыкны да уртаклаша беләм. Карап торышка мин аралашучан, әммә...

 -Әммә... чынлыкта?

 -Тыштан гына.

 

Энҗе Басыйрова.

  Дизайны - ®Ruslan-Studio 2005

  Copyright - © 2005 "Idel-Kama"