~ Йолдызлар ~

 

 

Гөлнара Исмаева

Гөлнара турында белешмә:

Туган урыны: Әлмәт шәһәре.

Туган елы: сер

Белеме: Казан дәүләт мәдәният һәм сәнгать университетның вокал бүлегендә укый.

Хобби: рәсем ясау, информатика фәне.

Яраткан эчемлеге: томат согы.

Яраткан ял урыны: Греция.

Гаилә хәле: шулай ук сер.

 -Гөлнара исеме "ут чәчәге" дигәнен аңлата, ә син бик сабыр, басынкы күренәсең.

 -Төрлечә була. Чыгырымнан бик сирәк чыгам: тыныч холыклымын. Әтием кушкан исем бит. Миңа бик тә туры килә дип уйлыйм.

 -Сәнгать дөньясы ишекләрен сиңа кем ачты?

 -Әтием һәм әни Әлмәт театырында эшләделәр. Мин сәхнә пәрдәсе артында үскән бала. Спектакльләрдәге җырларны яттан белә, җырлый идем. Мәктәптә укыганда "Автостоп" ансамбленә йөрдем. Үзем җырлар язам, үзем җырлыйм.

 -Укырга керү авыр булдымы?

 -Юк, гыйлемгә кагылышлы бар әйбер дә миңа җиңел бирелә, Аллага шөкер!

 -Мәскәүне дә яуларга өлгергәнсең...

 -Концерт белән "солянка"га баргач күреп кайттым ул уку йортын. Хәзер Казандагы филиалында укытам. Әле аспирантурага чакырдылар. Улым мәктәпне тәмәмлаганын көтәм.

 -???

 -Психология белән күптән кызыксынам. Ул фән буларак түгел, ә үземне аңлату, тәрбияләү өчен кирәк. Тирә-юньдәгеләр белән аралышырга, эчке дөньядагы проблемаларны чишергә ярдәм итә. Белемсезлек кешене үтерергә дә мөмкин.

 -Гөлнара, "Ялгыз тәкәрлек" синең язмышыңа бәйле әсәрме?

 -Юк. Игътибар итсәгез, җыр белән спектакльнең эчтәлеге туры килми. Рамазан фани дөньядан китте, ә бит тормыш дәвам итә. Мин әйтергә теләгән фикер дә шул - үзеңдә көч табып яши белергә кирәк. Аның кебек җиңел юл сайларга ярамый, ул көчсезләрнең генә эше. Җырның көенә килгәндә, анда якты моңсулык чагыла. Якты дәньяны яратучыларга багышлана. Шәхсән үзем иртә-кич мине яшәткән өчен Ходайга рәхмәт укыйм.

 -"Син минем бердәнбер" җыры озак язылдымы соң?

 -Төнлә уяндым да, торып утырып язып та ташладым. Гаҗәп хәл! Үзем язмаган кебек тоелды.

 -Спектакальне төшерү барышында булган берәр кызыклы вакыйганы сөйлә әле.

 -О-о-о, мотоциклдан "очтым"! Йомгак төсле тәгәри-тәгәри суга килеп төштем. Рәхәтләндек көлеп. Режиссер әрләп тә бетерде: "Синең өчен мин җавап бирәм", - ди. Үз теләгем белән мотоцикл утыргачына менеп бастым бит. Экстрим, адреналин белән "авырыйм" мин.

 -Алай булгач, "канны кыздыра торган" спорт төрләре белән дә шөгельләнәсеңдер?

 -Чит илдә ял иткәндә парашюттан сикердем, биеклектән суга чумдым...  Алардан уңай нәтиҗә алам: илһам ташый башлый, ялкынланып эшлисе килә. Экстрим дигәннән, бер кызыклы хәл сөйләп китим әле. "Татар җыры"нда кияр өчен дип тектергән күлмәгем вакытында әзер булмады. Сәхнәгә күлмәкнең өлгеләрен тегеп түгел, ә энәләп белән генә тоташтырып чыктым. Кискен бер хәрәкәт һәм минем күлмәк "таралачак" иде. Бәхеткә, барысы да уңышлы узды.

 

 ( дәвамы>>> )

  Дизайны - ®Ruslan-Studio 2005

  Copyright - © 2005 "Idel-Kama"